Во Собранието денеска седници ќе одржат три комисии – Комисијата за политички систем и односи меѓу заедниците, Комисијата за надворешна политика и надворешна трговија и Законодавно-правната комисија.
На седниците на Комисијата за политички систем и односи меѓу заедниците и на Законодавно-правната комисија како единствена преостаната точка на дневниот ред е Националната стратегија за спречување на корупцијата и судирот на интереси 2026–2030 година.
Комисијата за надворешна политика и надворешна трговија, пак, ќе ги разгледува платформите за дипломатските активности на четворица вонредни и ополномоштени амбасадори.
Пред членовите на Комисијата ќе бидат разгледани платформите за дипломатските активности на амбасадорот во Кралството Норвешка Дритон Кучи, амбасадорот во Бугарија Крум Ефремов, амбасадорот во Кралството Шведска Мухарем Јусуфи и амбасадорот во Романија Габриел Атанасов.
