Три земјотреси го потресоа Сараево за само два часа, најсилниот со магнитуда од 3,6 степени

Жителите на Сараево и околината во текот на ноќта почувствувале три земјотреси во период од само два часа, со магнитуди од 3,1 до 3,6 степени според Рихтеровата скала.

— реклама —

Првиот земјотрес бил регистриран во 00:45 часот, а според Европско-медитеранскиот сеизмолошки центар (EMSC) бил со магнитуда од 3,6 степени. Епицентарот бил во близина на Фоча, на околу 32 километри од Сараево.

— реклама —

Само 15 минути подоцна следело ново потресување на тлото. Вториот земјотрес бил со магнитуда од 3,1 степени, а епицентарот бил во близина на Горажде, на околу 30 километри од главниот град на БиХ.

— реклама —

Третото потресување било регистрирано околу 3:00 часот. Земјотресот бил со магнитуда од 3,3 степени, со епицентар во близина на Соколац, исто така на околу 30 километри од Сараево.

Сите три земјотреси биле почувствувани во Сараево, што го потврдуваат и бројните пријави од граѓаните објавени на страницата на EMSC.