Трицикл излетал од патот кај Ростуше, возачот со тешки повреди

Шеесет и шестгодишен возач на трицикл се здобил со тешки телесни повреди откако излетал од локалниот пат во близина на влезот во селото Ростуше.

— реклама —

Според информациите од МВР, несреќата се случила на 13 јули околу 16:10 часот. Трициклот „јамаха“ со италијански регистарски ознаки го управувал Ф.Р.М. (66) од Италија, со престојувалиште во селото Велебрдо.

— реклама —

— реклама —

По излетувањето од коловозот, возачот се здобил со тешки телесни повреди, кои биле констатирани во Специјалната болница за ортопедија и трауматологија „Свети Еразмо“ во Охрид.

— реклама —

Увид на местото на несреќата извршила екипа од ОВР Гостивар.