Министерот за земјоделство, шумарство и водостопанство, Цветан Трипуновски, информираше дека со предложениот ребаланс на Буџетот се обезбедени дополнителни над 1,5 милијарди денари за поддршка на земјоделците и за капитални инвестиции во водостопанството.
Според Трипуновски, повеќе од 1,4 милијарди денари се предвидени за финансиска поддршка во земјоделството и руралниот развој, додека околу 100 милиони денари ќе бидат наменети за капитални инвестиции во водостопанството.
Тој истакна дека преку одговорни политики се создаваат подобри услови за работа и се зголемува конкурентноста на домашното земјоделско производство.
„Со одговорни политики обезбедуваме поголема конкурентност и подобри услови за секој земјоделец. Со вистинска поддршка на земјоделците придонесуваме за одржливо земјоделство“, порача министерот Трипуновски.
