Надлежен јавен обвинител од ОЈО ГОКК донесе наредба за спроведување истражна постапка против три лица, поради постоење основано сомнение дека првоосомничениот сторил кривично дело „Тероризам“, додека тројцата се сомничат и за кривично дело „Неовластено изработување, држење, посредување и тргување со оружје и експлозивни материи“.
Од Обвинителството информираат дека наредбата е донесена врз основа на докази обезбедени во претходно спроведена предистражна постапка, документација и докази од предмет што се наоѓа во судска постапка, како и докази прибавени преку меѓународна правна помош.
Бидејќи јавниот обвинител оценил дека се исполнети законските услови за определување притвор, до судија на претходна постапка при Основниот кривичен суд – Скопје е доставен предлог за тројцата осомничени да биде определена мерка притвор во траење од 30 дена.
