Тројца полициски службеници се повредени во сообраќајна несреќа што се случила на булеварот „Крсте Мисирков“ во Скопје, соопшти Министерството за внатрешни работи.
Несреќата се случила на 3 септември околу 13 часот, кога службено возило „Шкода“ во сопственост на МВР, управувано од 31-годишниот Н.Ѓ. од Скопје, се судрило со патничко возило „МГ“, управувано од 29-годишниот М.М. од Кичево.
Во несреќата со телесни повреди се здобиле возачот на службеното возило и неговите сопатници, 35-годишниот Т.Џ. од Батинци и 35-годишниот П.Т. од Скопје. Сите тројца се полициски службеници и биле пренесени во Ургентниот центар при Комплексот клиники „Мајка Тереза“ во Скопје.
Од СВР Скопје бил извршен увид на местото на несреќата.
