Тројца работници загинаа при одрон на карпи во каменолом во централниот дел на Виетнам, пренесоа локалните медиуми.
Несреќата се случила околу 17 часот по локално време во каменолом во општината Кам Ту, во провинцијата Тан Хоа, кога големо количество карпи и земја се урнало врз работниците, кои се наоѓале во подножјето на планината, јави виетнамската новинска агенција ВНА.
Еден од работниците починал додека бил пренесуван во болница, додека другите двајца првично биле пријавени како исчезнати, а нивните тела подоцна биле пронајдени.
Локалните власти случајот го квалификувале како несреќа на работно место, пренесува Синхуа.
