(Видео) Тројца загинати во судир на катамаран и едрилица кај хрватскиот брег, потрагата по едно лице продолжува

Три лица загинаа, а по едно лице сè уште се трага по судирот меѓу патнички катамаран на хрватска приватна компанија и едрилица што се случил меѓу островите Шолта и Брач, соопшти хрватското Министерство за море, сообраќај и инфраструктура.

Едрилицата, која пловела под француско знаме, потонала по судирот, а во тек е обемна спасувачка операција за пронаоѓање на исчезнатото лице.

— реклама —

Според хрватските медиуми, четворица чешки државјани биле пренесени во болница во Сплит и сите се надвор од животна опасност.

— реклама —

Од Министерството соопштија дека пријавата за несреќата била примена од Капетанијата во Сплит, по што веднаш биле известени Националниот центар за координација на потрага и спасување на море во Риека и надлежните служби, кои започнале акција за спасување.

Во моментот на несреќата на патничкиот катамаран „Крило Еклипс“ се наоѓале 118 патници и седум членови на екипажот. Бродот пловел на редовна линија кон островот Брач.

— реклама —

По несреќата, компанијата откажа повеќе редовни линии.

Надлежните служби продолжуваат со истрагата, а причините и околностите што довеле до судирот и потонувањето на едрилицата засега не се познати.

View this post on Instagram