Турски државјанин баран за убиство во Македонија уапсен на граничен премин во Албанија

Турски државјанин на возраст од 31 година, баран со меѓународна потерница поради сомнение за вмешаност во убиство во Македонија, бил уапсен при обид да влезе во Албанија.

— реклама —

Според информациите од албанската полиција, лицето со иницијали Б.К. било идентификувано и приведено на граничниот премин Морина, за време на засилени проверки за пронаоѓање лица барани со меѓународни потерници. Акцијата била спроведена од граничната полиција во соработка со Интерпол Тирана.

— реклама —

Проверките потврдиле дека 31-годишникот го бараат македонските власти поради сомнение за учество во убиство. Потерницата била распишана врз основа на наредба од 27 октомври 2026 година, издадена од Основното јавно обвинителство Скопје.

— реклама —

По апсењето, специјализираните служби за истрага на тешки кривични дела при Полициската управа во Кукс ги започнале постапките за екстрадиција.

Албанскиот Интерпол, во координација со надлежните институции во Македонија, продолжува со процедурите за негово предавање на македонските власти.