Твитер најави дека нема да дозволи споделување на приватни медиумски податоци, како фотографии и видеа, на својата платформа, без согласност на лицето кое се наоѓа на нив.
Политиката за приватност на компанијата веќе забранува споделување на туѓи приватни податоци, како телефонски броеви, адреси и лични карти, потсетува Ројтерс.
„Кога поединци или овластени претставници ќе не известат дека не дале согласност за споделување на нивните приватни фотографии или видеа, ние ќе ги отстраниме“, напишаа тие на Твитер.
Основачот и извршен директор на Твитер Џек Дорси во понеделникот поднесе оставка како прв човек на оваа социјална мрежа.
