Уапсен маж во Атина со рачна бомба, осомничен дека подготвувал напад врз судија

Полициските власти во Атина уапсија маж кај кого била пронајдена рачна бомба, откако припадници на Одделот за борба против организираниот криминал спровеле акција по претходна истрага, објави Екатимерини.

— реклама —

Според грчката државна телевизија ЕРТ, осомничениот извесно време бил под полициски надзор, бидејќи постоеле индиции дека подготвувал напад. Наводно, добил задача да ја нападне куќата на судски функционер, но властите не го откриваат неговиот идентитет ниту локацијата на објектот.

— реклама —

Полицијата интервенирала пред да биде извршен нападот и го привела осомничениот во домот на негов соработник во јужниот дел на Атина, каде што, според истрагата, ја презел рачната бомба.

— реклама —

При акцијата, припадниците на Одделот за борба против организираниот криминал ја заплениле експлозивната направа и го привеле осомничениот.

— реклама —

Грчките власти засега не соопштуваат дополнителни информации за истрагата, ниту за можниот мотив зад наводниот план за напад.