Уапсен осомничениот за убиството на 19-годишниот доставувач на храна во Дрниш

Полицијата во Шибеник-Книн објави детали за апсењето на 50-годишниот Кристијан Алексиќ, осомничен за убиството на 19-годишниот доставувач на храна Лука М. во Дрниш.

Според полицијата, Алексиќ бил забележан околу 2:30 часот наутро на пристапот кон Дрниш, по што полицајците брзо реагирале и го совладале со употреба на физичка сила и средства за врзување.

— реклама —

При претресот кај него биле пронајдени огнено оружје и нож со сечило долго 20 сантиметри.

— реклама —

По апсењето, осомничениот бил пренесен во полициска станица, каде што продолжила кривичната истрага.

Во потрагата по Алексиќ учествувале голем број полицајци, службени кучиња трагачи, хеликоптер и беспилотни летала.

— реклама —

Според хрватските медиуми, Алексиќ бил лоциран со дрон во близина на неговата куќа, а при апсењето не пружил отпор.

— реклама —

Тој е осомничен дека во саботата вечерта на терасата од својата семејна куќа го убил 19-годишниот Лука М., кој доставувал храна.

По злосторството, Дрниш бил под силни полициски мерки, а граѓаните биле повикани да не ги напуштаат своите домови.