Уапсени 12 возачи, еден со 3,95 промили алкохол и 11 без возачка дозвола

Во текот на изминатото деноноќие на територијата на државата се лишени од слобода 12 возачи поради безобѕирно управување возило.

— реклама —

Според соопштение од МВР, од вкупно 12-те случаи, 11 возачи биле затекнати како управуваат возила без возачка дозвола. Меѓу нив, тројца се во Скопје, по двајца во Битола, Кочани и кумановско, а по еден во Прилеп и велешко.

— реклама —

Во соопштението се наведува дека еден возач во Скопје управувал возило под дејство на алкохол, при што му биле измерени 3,95 промили алкохол во крвта.

— реклама —

По целосно документирање на случаите ќе бидат поднесени соодветни кривични пријави.

— реклама —

Во истото соопштение, МВР апелира до сите учесници во сообраќајот да ги почитуваат правилата и прописите, да не управуваат возило без возачка дозвола, под забрана или под дејство на алкохол, со цел зголемување на безбедноста во сообраќајот.