Тринаесет сопственици на ресторани, кафулиња и барови на островот Халки во југоисточниот дел на Егејското Море биле уапсени во изминатите три дена поради сомнение дека без дозвола поставувале маси и столови на јавни површини.
Првите три апсења биле извршени на 13 септември, а во следните два дена биле уапсени уште десет лица.
Акцијата следела по пријава против еден угостителски објект, по што обвинителите ѝ наложиле на полицијата да ја прошири истрагата.
