Убиен 22-годишен маж во Лондон, полицијата започна истрага за убиство

Лондонската полиција започна истрага за убиство откако рано утринава во градската населба Хаунслоу беше пронајден мртов 22-годишен маж, за кого постои сомневање дека бил избоден со нож.

Полицијата била повикана на интервенција во 1:47 часот на раскрсницата меѓу улиците Бат Роуд и Грејт Саутвест Роуд. На местото на настанот пристигнале полициски службеници и екипи на Итната медицинска помош, кои затекнале млад маж со тешки повреди.

— реклама —

И покрај напорите на лекарите, 22-годишникот починал на местото на настанот.

— реклама —

Засега никој не е уапсен, а полицијата го оградила поширокото подрачје и ги затворила околните улици поради вршење увид.

Од полицијата соопштија дека истрагата е во тек и ги повикаа граѓаните да достават какви било информации што би можеле да помогнат во расветлувањето на случајот.

— реклама —

„Спроведуваме интензивни истражни дејствија. Го зголемивме полициското присуство во областа и ги повикуваме сите што имаат информации или се загрижени да разговараат со нашите службеници“, соопшти полицијата.

Надлежните посочија дека снимките од безбедносни камери, камери поставени на домови или мобилни телефони би можеле да бидат клучни за истрагата.

Семејството на починатиот е известено за трагичниот настан и му е обезбедена поддршка од специјално обучени полициски службеници.