Јелена Г.(45) загина во сообраќајна несреќа кај Мајур кај Шабац кога од засега неутврдени причини на неа налетал мотор. Несреќната жена се движела пеш, а мотоциклот го управувал малолетно лице, додека на совозачкото седиште имало дете.
Неутешните соседи за „Блиц“ велат дека е повредена мајка на четири деца, а несреќната жена починала во болница.
„Таа работеше цел ден, береше малини. Работниците имале организиран превоз кој ги возел дома. Жената излегла од комбето спроти куќата и додека ја преминувала улицата ја прегазил малолетник со мотор. Како што слушнав тој има 17 години, а сопатникот 15 години“, вели нашиот соговорник.
Како што вели, на тоа место нема обележан пешачки премин, па не е сигурен дали несреќната жена се погрижила безбедно да ја помине улицата.
„Се се случи во секунда, комбето уште беше паркирано кога се случи несреќата. Голема трагедија, четири деца останаа без мајка“, изјави вознемирениот сосед.
Да потсетиме, жената од местото на несреќата е пренесена на итната медицинска помош на болницата во Шабац, каде и се констатирани тешки телесни повреди. Лекарите направиле се за да ја спасат, но таа починала набрзо по приемот.
Возачот на мотоциклот има тешки физички повреди и е хоспитализиран, додека на детето кое било сопатникот лекарите му констатирале полесни физички повреди.
