Украдени 40.000 литри „Гинис“ во Британија: Полицијата трага по две приколки полни со пиво

Полицијата во Велика Британија трага по околу 40.000 литри пиво „Гинис“, откако две приколки полни со популарното темно пиво биле украдени од складиште во близина на Ливерпул.

— реклама —

Кражбата се случила вечерта на 31 август во индустриска зона во Ранкорн, во областа Чешир. Според полицијата, двајца возачи пристигнале на локацијата и ги одвлекле приколките во кои имало околу 800 буриња „Гинис“, наменети за пабови.

— реклама —

Вкупната вредност на украденото пиво е проценета на околу 155.000 долари, додека самите приколки вредат околу 67.000 долари.

„Позната е изреката дека ’Гинис е добар за вас‘, но тоа важи само кога пивото е купено и платено“, изјави детектив-сержантот Гери МекКлачи. Тој додаде дека полицијата ќе продолжи да работи на случајот сè додека целата украдена стока не биде пронајдена.

— реклама —

Кражбата во Велика Британија се случува само неколку недели по сличен случај во САД, каде што од магацин во Јужна Калифорнија биле украдени околу 34.000 лименки „Пабст Блу Рибон“ (PBR), вредни околу 70.000 долари.

— реклама —

Производителот тогаш преку социјалните мрежи на духовит начин му се обратил на крадецот и понудил награда од 20.000 долари за информации што би помогнале во пронаоѓањето на украденото пиво.