Унгарскиот премиер Петер Маѓар изјави дека неговата земја нема да прифати двојни стандарди во политиката на проширување на Европската Унија и нема да поддржи забрзано членство на Украина во европското семејство.
Во интервју за телевизијата АТВ, Маѓар нагласи дека Будимпешта не се противи на почетокот на пристапните преговори со Киев, но смета дека не постои основа Украина да добие привилегиран третман.
„Не прифаќаме никакви двојни стандарди. Не гледаме потреба од забрзано пристапување на Украина во ЕУ, особено ако се има предвид дека станува збор за земја која, за жал, сè уште е во воена состојба“, изјави унгарскиот премиер.
Тој потсети дека процесот на пристапување опфаќа 33 преговарачки поглавја и оцени дека Украина има уште долг пат пред да може да се донесе конечна одлука за нејзиното членство во Унијата.
Маѓар повтори дека Унгарија нема да го блокира отворањето на преговорите, но внимателно ќе следи дали Киев ќе го спроведе неодамна постигнатиот договор за враќање на правата на унгарското малцинство во Закарпатјето.
Според неговите претходни проценки, преговорите за членство на Украина во Европската Унија би можеле да траат меѓу 10 и 15 години.
