Украина призна: Непријателот постигнува тактички успеси

Украинската армија денеска призна дека руските сили напредуваат во нивната офанзива во североисточниот дел на регионот Харков.

— реклама —

Руските сили се обидуваат да се пробијат во тој регион, што предизвика тревога во Киев и кај западните сојузници за потенцијална голема офанзива врз градот Харков, вториот по големина во Украина, кој се наоѓа на само триесет километри од руската граница. „Непријателот моментално постигнува тактички успеси“, објави украинскиот Генералштаб во понеделник наутро.

— реклама —

По освојувањето на неколку села во областа Харков, во моментов се водат борби во близина на градот Вовчанск, кој се наоѓа на само пет километри од руската граница, пишува dpa.

— реклама —

Украина тврди дека Русија трпи големи загуби, но дека и покрај тоа испраќа бројни сили во Вовчанск, кон кој се движат пет баталјони. Русија веќе го окупираше Вовчанск на почетокот на војната.

Русија започна уште еден пробив кон регионот Харков на 10 мај. Во последните два дена освоила девет села, тврди руското Министерство за одбрана.