Украина тврди дека погодила клучна руска рафинерија

Руската нафтена рафинерија во Перм целосно ја запрела преработката откако во украински напад со дронови на 7 мај избувнал пожар и била оштетена клучна опрема, пренесува Kyiv Post, повикувајќи се на извори од индустријата.

Перм се наоѓа на Урал, околу 1.460 километри источно од Москва, и важи за една од најоддалечените цели погодени од украински дронови од почетокот на војната.

— реклама —

Според изворите, веднаш по нападот биле исклучени три главни единици за дестилација на сурова нафта, а подоцна била запрена и работата на секундарните постројки.

— реклама —

Се очекува поправките да траат со недели.

Рафинеријата е во сопственост на компанијата Лукоил и во 2024 година преработила околу 12,6 милиони тони сурова нафта, односно околу 250.000 барели дневно.

— реклама —

Командантот на украинските сили за беспилотни системи, Роберт „Маѓар“ Бровди, потврди дека нападот го извела украинската армија.

— реклама —

Тој наведе дека нападот бил изведен со дронови од 1. единица на Силите за беспилотни системи.

Украинското Министерство за одбрана соопшти дека во текот на април погодило 14 руски рафинерии, а Киев тврди дека целта на нападите е намалување на руските приходи од нафта.