Унгарец собирал делови од човечки тела од болница и гробишта, признал дека ги јадел

Унгарската полиција уапси 30-годишен маж под сомнение дека собирал човечки останки од напуштени гробишта и од болница каде што работел.

— реклама —

Според соопштението на унгарското Национално биро за истраги, при претрес на неговиот дом биле пронајдени човечко лице, кожа од лице, коски складирани во куфер, потколеница, мозок, рака, глава, черепи и срце. Истражителите сè уште утврдуваат дали срцето пронајдено во тегла е од човечко или животинско потекло.

— реклама —

За време на испрашувањето, осомничениот изјавил дека бил фасциниран од човечката анатомија и дека собирал делови од човечки тела, кои наводно ги подготвувал и консумирал на различни начини.

— реклама —

Од Националното биро за истраги соопштија дека мажот покажувал голем интерес за анатомијата и патологијата, како и за дисекција на животни.

— реклама —

Според првичните сознанија од истрагата, дел од останките можеби ги набавувал преку своето работно место во болница, а дел ги ископувал од напуштени гробишта во Унгарија и Словачка.