Уште една жртва на Западнонилска треска, бројот на починати се искачи на девет

Уште еден пациент почина од последици од Западнонилска треска, со што бројот на смртни случаи поврзани со болеста достигна девет.

— реклама —

Според информациите од директорот на Клиниката за инфективни болести, Фадил Цана, починатиот бил 66-годишен пациент со потврдена невроинвазивна форма на Западнонилска треска. Тој на Клиниката се лекувал 28 дена, при што бил приклучен и на механичка вентилација. Кај пациентот биле присутни и повеќе придружни заболувања.

— реклама —

— реклама —

Од почетокот на случаите, на Клиниката за инфективни болести биле хоспитализирани вкупно 66 лица со потврдена Западнонилска треска.

Во моментов на болничко лекување се 11 пациенти, а кај еден од нив е регистрирана потешка клиничка слика.