Уставен суд за зголемените плати на функционерите: Одредбата е дискриминаторска во однос на другите граѓани

Уставниот суд на Република Македонија отвори два предмети поврзани со платите на избраните и именуваните функционери кои добиваат зголемени плати за 78% откако судот претходно донесе одлука со која се укинуваат два члена од Законот за плата на функционерите.

— реклама —

Оспорен е член од Законот за плата и други надоместоци на пратениците во Собранието на Република Македонија и другите избрани именувани лица.

— реклама —

„Се наведува дека оспорената одредба е противуставна, дискриминаторски поставена во однос на пресметката на плата и другите надоместоци на останатите граѓани како лица во работен однос, односно не ги става во еднаква положба во правата во однос на другите граѓани“ се додава во соопштението на Уставен суд.

Оспорен е член од Законот за плата и други надоместоци за избрани и именувани лица во Република Македонија

— реклама —

„Подносителката наведува дека одредбата е дискриминаторска во однос на останатите граѓани и спротивна на членот 32 став 3 од Уставот кој предвидува дека секој вработен има право на соодветна заработувачка, како и во спротивност со членот 51 од Уставот според кој законите мора да се усогласени со Уставот“, се вели понатаму во соопштението.

Претходно функционерите добија покачување на платите за 78 отсто.