Утре без струја делови од Илинден, Кисела Вода, Стајковци и Сопиште

Поради планирани работи на електродистрибутивната мрежа, во петок, 13 ноември, повеќе населени места и улици во Скопско привремено ќе останат без електрична енергија, информираат од ЕВН.

— реклама —

Во општина Илинден, од 8 до 15:30 часот, без напојување ќе бидат потрошувачите на патот кон фармите во Јурумлери и на улицата „27“, поради замена на пет столбови.

— реклама —

Во општина Кисела Вода, од 8:30 до 16:30 часот, прекин ќе има на улицата „Народни херои“ бр. 19, 21 и 23, во Основното училиште „Кирил Пејчиновиќ“ и на улицата „Архитект Никола Добровиќ“ бр. 1 и 2.

— реклама —

Во селото Стајковци, општина Гази Баба, електрична енергија нема да има од 9 до 13 часот, поради поправка на далноводот и замена на изолатори.

— реклама —

Во општина Сопиште, од 9 до 12 часот, прекин ќе има кај корисниците на улицата 22.