Утре истекува мерката за пониско ДДВ за горивата – ќе има ли продолжување?

Утре истекува мерката со која ДДВ-то за горивата беше намалено од 18 на 10 отсто, а во истиот период се очекува и нова одлука на Регулаторната комисија за енергетика за цените на горивата, која ќе важи во следните седум дена.

— реклама —

Мерката Владата ја донесе на 13 септември, а почна да се применува од 15 септември, со цел да се ублажи ценовниот удар врз граѓаните и стопанството поради осцилациите на пазарот на нафтени деривати.

— реклама —

Намалувањето на ДДВ-то најмногу се одрази кај дизелот, овозможувајќи цената да биде пониска за околу 2 денари за литар, наместо да се реализира очекуваното поскапување.

Дали мерката ќе продолжи и по истекот на рокот треба да одлучи Владата.

— реклама —

Според последната одлука на Регулаторната комисија за енергетика, дизелот се продава за 104,5 денари за литар. Еуросупер БС-95 чини 99 денари, додека цената на Еуросупер БС-98 е 101 денар за литар.

Нарушувањата во глобалното снабдување со енергенси ги натераа европските држави да преземаат различни мерки за ублажување на последиците, меѓу кои намалување на даноците и директни субвенции и финансиска помош за граѓаните.