Утре почесна артилериска стрелба во Скопје по повод Денот на Армијата – граѓаните ќе ги слушнат 10 плотуни

На 17 август, во пресрет на Денот на Армијата – 18 август, во касарната „Илинден“ во Скопје ќе биде изведена почесна артилериска стрелба.

— реклама —

Од Армијата информираат дека почесната стрелба ќе започне во 19 часот, а ќе биде изведена од единица на артилерискиот баталјон со истрелување на 10 плотуни од шест артилериски орудија.

— реклама —

— реклама —

Претходно, во 18 часот, ќе биде изведена и пробна артилериска стрелба со еден плотун од шест артилериски орудија.

Почесната стрелба е дел од протоколарните активности на Армијата по повод одбележувањето на 18 август – Денот на Армијата.