Утре посебен сообраќаен режим во Скопје поради атлетска трка

Утре, 23 октомври, во центарот на Скопје ќе биде воведен посебен режим на сообраќај поради одржувањето на атлетската трка „Атлетска трка 23-ти Октомври“, организирана по повод Денот на Македонската борба.

— реклама —

— реклама —

Според Министерството за внатрешни работи, трката ќе започне во 8 часот од паркот „Жена Борец“, на улицата „11 Октомври“. Учесниците ќе продолжат преку плоштадот „Македонија“ и Камениот мост, потоа по улицата „Иљо Војвода“ и мостот „Гоце Делчев“, а движењето ќе продолжи по кејот на Вардар до означеното место и назад по истата патека, со цел пред споменикот на основачите на ВМРО во паркот „Жена Борец“.

— реклама —

Поради трката, полициските служби ќе го пренасочуваат сообраќајот по околните улици. Од МВР апелираат граѓаните да ги почитуваат насоките и наредбите на полициските службеници.