Градот Скопје ги известува граѓаните дека на 11 јуни (четврток), во раните утрински часови, ќе се спроведе авионска дезинсекција против ларви од комарци на подрачјето на главниот град.
Од Градот посочуваат дека, доколку временските услови не дозволат реализација на активноста, прскањето ќе биде извршено првиот нареден ден кога ќе има поволни услови, во истиот термин.
Воедно, се апелира до пчеларите навремено да ги преземат потребните мерки за заштита на пчелите за време на спроведувањето на дезинсекцијата.
