КОМАРЦИ

Утре рано наутро ќе се прска против комарци во Скопје

Градот Скопје ги известува граѓаните дека на 11 јуни (четврток), во раните утрински часови, ќе се спроведе авионска дезинсекција против ларви од комарци на подрачјето на главниот град.Од Градот посочуваат дека, доколку временските услови не дозволат реализација на активноста, прскањето ќе биде извршено првиот нареден ден кога ќе има поволни услови, во истиот термин.Воедно, се апелира до пчеларите навремено да ги преземат потребните мерки за заштита на пчелите за време на спроведувањето на дезинсекцијата.

Скопје | пред 4 часа

Спроведена втората фаза од прскањето против комарци во Скопје

Градоначалникот на Скопје, Орце Ѓорѓиевски, информираше дека во раните утрински часови успешно е спроведена втората авионска фаза од дезинсекцијата против возрасни форми на комарци на територијата на главниот град.Според Ѓорѓиевски, активностите продолжуваат и утре со третата фаза од програмата, која се реализира согласно законските обврски и препораките на Центарот за јавно здравје.Тој нагласи дека навремената дезинсекција има клучно значење за заштита на јавното здравје, спречување на ширење заразни болести и обезбедување подобри услови за живот на граѓаните во текот на летниот период.„Навременото третирање е најважниот чекор во спречување на масовна појава на комарци во летните месеци“, посочи Ѓорѓиевски.Во наредниот период се предвидени уште две фази од дезинсекцијата, кои ќе опфатат авионско и теренско прскање, со цел целосна заштита на подрачјето на градот Скопје.

Скопје | пред 1 седмица

Во четврток и петок ќе се прска против комарци во седум општини од Југоистокот

Центарот за развој на Југоисточниот плански регион соопшти дека во четврток и петок ќе се спроведе ларвицидна дезинсекција, односно прскање против комарци, во седум општини од Југоисточниот регион.Во четврток третманот ќе се реализира во Радовиш од 9 часот, во Конче од 12 часот и во Струмица со почеток во 12 часот.Во петок прскањето продолжува во Валандово од 9 часот, во Василево од 12 часот, во Босилово од 9 часот и во Ново Село од 12 часот.Од Центарот апелираат пчеларите навремено да преземат мерки за заштита на пчелните семејства, а граѓаните да избегнуваат движење во зоните каде што ќе се врши третманот за време на прскањето.Се посочува и дека, доколку временските услови не дозволат реализација на активностите, дезинсекцијата ќе биде спроведена во следниот поволен термин.

Македонија | пред 2 седмици

Природна заштита од комарци: што навистина помага на тераса и во двор

Комарците можат да бидат вистинска напаст, но постојат природни решенија што можат да ви помогнат. Растенија, етерични масла и едноставни навики можат да помогнат да ги држите подалеку без хемија.Еден од најчесто споменуваните природни начини за заштита од комарци се растенијата и нивните етерични масла. Текст објавен во Malaria Journal наведува дека растенија како лаванда, нане и еукалиптус имаат докажано дејство против различни видови комарци, иако ефектот се разликува во зависност од видот и концентрацијата на маслото.Слично потврдува и CDC, кој истакнува дека природните масла како лимонски еукалиптус и цитронела се користат како билни алтернативи на синтетичките репеленти, но со напомена дека најчесто мора да се нанесуваат директно или да се користат во форма на формулирани производи за да бидат ефикасни.Сепак, важно е да се нагласи дека некои растенија не успеваат лесно во одредени подрачја. Лавандата, босилекот, нането и рузмаринот се достапни, не бараат посебни услови и можат да се чуваат во саксии на балкони или прозорци.Иако самите растенија не се „штит“ што целосно спречува убоди, истражувањата покажуваат дека нивните етерични масла содржат соединенија како гераниол и линалол, кои влијаат врз однесувањето на комарците и ја намалуваат нивната привлечност кон луѓето.Освен садење, многу е важна и практичната употреба на растенијата. Најдобар ефект се постигнува кога листовите лесно се згмечуваат или кога се користат етерични масла разредени во спрејови или лосиони, бидејќи тогаш доаѓа до посилно ослободување на активни соединенија.Покрај растенијата, корисни се и едноставни навики кои дополнително го намалуваат присуството на комарци. Тоа вклучува отстранување на стоечка вода (кофи, подлошки од саксии, буриња), користење вентилатори на тераси, бидејќи струењето на воздухот им отежнува на комарците да се приближат, како и садење ароматични растенија околу влезот на куќата.Комарците не ги привлекуваат растенијата сами по себе, туку најчесто мириси, јаглерод диоксид и телесна топлина, па комбинација од мерки дава најдобар резултат.Според тоа, природните методи можат да бидат корисен дел од заштитата, но се најефикасни кога се комбинираат со други мерки. На тој начин се постигнува баланс помеѓу природен пристап и реална заштита во секојдневниот живот.

Магазин | пред 1 месец

Aвиодезинсекцијата против комарци не е ефикасна, вели епидемиологот Даниловски

Епидемиологот Д-р. Драган Даниловски, на Фејсбук објави детална анализа за тигрестите комарци, чиј број станува се поголем во земјава, и нагласи зошто авионското прскање против комарци не е ефикасно."Пред неколку дена ми падна в очи еден напис во “The Washington Post”, за појава на епидемија на болеста денга во Перу (население 33,7 мил.), со рекордни 110.000 заболени, што директно го поврзуваат со обемни дождови во претходниот период и повисоки температури заради климатските промени.Инаку, болеста се пренесува со помош на комарци, особено т.н. тигрести комарци (Aedes albopictus). Колку повеќе врнежи, толку повеќе комарци - и толку повеќе заразени. Епидемијата е предупредувачки знак за земјите во тропските предели, бидејќи климатските промени носат топло и влажно време, што обезбедува идеални услови за размножување на комарците.Но, тоа е предупредување и до сите други на планетава. Глобалното затоплување си го прави своето. Со порастот на просечните температури и влажноста, се менуваат еколошките услови во околината, кои стануваат поволни за размножување и ширење на цела лепеза артроподи (инсекти, крлежи), кои претставуваат вектори за огромен број вируси.Освен за денга, тигрестите комарци се вектори и за некои други заболувања: треската чикунгуња, зика, жолта треска, како и некои паразити. За среќа, овие болести не се присутни во Македонија, па затоа комарците, реално, не можат да ги пренесат. Но, сепак, реален ризик е пренесувањето на вирусот на западнонилската треска, зашто природни резервоари претставуваат птиците.Драматичната глобална експанзија на тигрестиот комарец се должи, пред сѐ, на човечките активности, особено трговијата со половни гуми и пасивниот транзит преку јавен и приватен транспорт. Втора причина е неговата извонредна еколошка пластичност и компетитивност.Од средината на 1960-тите, тигрестиот комарец се проширил во Европа, обете Америки, Карибите, Африка и Блискиот Исток. Откако се има етаблирано во Албанија (1979), потоа, во Италија и на Азурниот брег во Франција. Познато е дека Ае. albopictus се проширил во Грција, Шпанија и балканските земји, Швајцарија, Шпанија, Холандија и Малта. Најден е и во јужна Германија, Австрија, Чешка и Словачка, Словенија, Русија, Турција и Романија. Во САД е внесен, исто така, преку трговија со половни гуми.Предвидувањата за климатските промени укажуваат дека Ae. albopictus ќе продолжи да биде успешен инвазивен вид, кој ќе се шири надвор од сегашните географски граници. Овој комарец веќе покажува знаци на адаптација на постудени клими, што може да резултира со пренос на болести во нови области.Во Македонија првпат е докажан во 2016 година на границата со Грција. Сега веќе е доминантен вид, зашто, практично ги има потиснато другите „домашни“ видови комарци.Карактеристично е што женките касаат по цел ден, а не како другите, само наутро и навечер. Исто така, за положување на јајцата не му се потребни големи површини застојана вода, туку доволни се и мали количини, на пример, во саксии за цвеќе, вазни, контејнери и автомобилски гуми, барички вода во дворот. Агресивен е и создава посилни алергиски реакции кај луѓето, отколку „домашните“ комарци.Затоа, авиодезинсекцијата во населените места, која се спроведува секоја година по неколку пати е „сизифовска“ работа, зашто, едноставно, не може да биде успешна и треба да се укине. Зошто? Затоа што ги уништува само оние комарци кои во моментот се во воздух. А, знаеме, постојат и ларви... Таа треба да се применува само во ненаселени подрачја или при елементарни непогоди.Во населените места е потребна дезинсекција со прскање од земја. Значи, треба да се смени стратегијата. Освен тоа, од суштествена важност е да се организира јавна едукативна кампања, за граѓаните да внимаваат да немаат застојана вода во својата околина, особено оние што имаат дворови. За лична заштита, треба да се користат репелентни средства.На прагот сме на летото и на интензивна активност на тигрестите комарци. Иако е малку веројатно да пренесат егзотични болести (види погоре) кај нас, сепак, реално, ќе предизвикуваат тешки непријатности, заради целодневното агресивно касање.Оттаму, мислев дека нема да биде на одмет едно укажување до надлежните за потребата од менување на стратегијата за превентивна дезинсекција, како и потсетување на граѓаните за индивидуалните мерки за заштита"напиша тој.

Коментари | пред 3 години