Управата за хидрометеоролошки работи предупредува на влошување на временските услови во наредните денови, со обилни врнежи и силен ветер под влијание на циклонска активност.
Според најавите, утре се очекуваат пообилни врнежи од дожд кои локално ќе надминат 20 литри на метар квадратен, додека во четврток количеството на врнежи ќе биде уште поголемо и на места ќе достигне над 30 литри на метар квадратен.
Покрај дождот, ќе дува засилен, повремено и силен ветер, кој на одредени подрачја ќе достигнува брзина над 70 километри на час.
Од УХМР апелираат граѓаните да бидат внимателни и да ги следат препораките на надлежните институции поради можни локални непогоди и отежнати услови за движење.
