Полска денеска покрена превентивни операции на воената авијација и го зголеми нивото на готовност на системот за противвоздушна одбрана и радарското извидување поради руските напади со дронови врз Украина, соопшти Оперативната команда на полските вооружени сили.
Како што е наведено, мерките се преземени со цел заштита на полскиот воздушен простор, особено во областите во близина на зоните погодени од нападите. Активирани се потребните сили и средства, додека системите за противвоздушна одбрана и радарско извидување се ставени во состојба на готовност.
Одлуката на Варшава доаѓа неколку дена откако руски дрон се урнал на само околу четири километри од полската граница, при што била погодена бензинска пумпа на територијата на Украина.
