Ватикански суд ја изрече првата пресуда под обвинение за перење пари во историјата на Светата столица, јави ДПА.
Како што соопшти денеска Прес-службата на Ватикан, пресудата му е изречена на италијанскиот трговец со недвижен имот Анџело Пројети, кој е осуден на две години и шест месеци затвори и конфикација на над еден милион евра.
Парите, кои Проети ги држел во Ватиканската банка, биле замрзнати уште во 2014 година, кога била покрената истрагата против него.
Според Ватикан, оваа пресуда е од „клучно значење“ во контекст на неговите сегашни напори за борба против финансискиот криминал.
Ватикан се обидува да ја зголеми финансиската транспарентност по повеќедецениските шпекулации дека Ватиканската банка ги крие парите на италијанските мафијаши и на луѓе вклучени во перење пари и даночни измами.
