Вечерва се организира „Бела ноќ“ по 17. пат, а граѓаните ќе имаат можност да уживаат во културно-забавната програма на 13 локации.
Скопје и скопјани повторно ќе бидат дел на едно уникатно културно доживување на веќе традиционална „Бела ноќ“.
Многубројните уметници што ќе им се претстават на граѓаните со концерти, изложби, кинопроекции и други културни перформанси на 13 локации ќе го претворат Скопје во центар на културните случувања во државата.
