Вечерва ќе се спроведе 13-тата дезинсекција против комарци во Скопје

Градот Скопје продолжува со мерките за сузбивање на комарците, а вечерва ќе биде спроведена 13-тата дезинсекција против возрасни форми на комарци за оваа сезона.

— реклама —

Како што информира градоначалникот Орце Ѓорѓиевски, третманот ќе се спроведе теренски, а активностите ќе продолжат и во наредните денови. На 20 август е предвидена теренска дезинсекција, на 21 август во раните утрински часови авионска дезинсекција, додека од 23 до 26 август ќе се спроведува дополнителен теренски третман.

Активностите се реализираат согласно Годишната програма, законските обврски и Елаборатот изготвен од Центарот за јавно здравје – Скопје и одобрен од здравствените власти.

— реклама —

Од почетокот на сезоната досега се спроведени повеќе третмани против ларви и возрасни форми на комарци. Според најавата, до крајот на сезоната бројот на дезинсекции ќе надмине 20.

— реклама —

Ѓорѓиевски посочува дека досегашната динамика, како и планираните активности, покажуваат континуиран пристап во контролата на комарците, со цел заштита на јавното здравје и благосостојбата на граѓаните.