Велика Британија бара деескалација на Блискиот Исток за да се спречи раст на цените на енергијата

Брзата деескалација на конфликтот на Блискиот Исток е најдобриот начин да се спречи нов раст на цените на енергенсите и горивата, изјави британската министерка за финансии Рејчел Ривс.

— реклама —

Таа пред британските пратеници нагласи дека стабилизацијата на безбедносната состојба во регионот е клучна за задржување на цените на горивата на пониско ниво и за заштита на потрошувачите од нови економски притисоци.

— реклама —

„Јасно е дека најдобриот начин да се задржат ниски цените на горивата е брза деескалација. Ќе продолжам внимателно да ги следам цените како што ќе се развива ситуацијата“, изјави Ривс.

— реклама —

Министерката додаде дека побарала од регулаторните тела внимателно да ги следат цените на основните производи, особено на патните горива, за да се спречат можни злоупотреби во време на криза.

— реклама —

„Нема да дозволам ниту една компанија да ја искористи сегашната криза за да оствари прекумерна добивка на сметка на потрошувачите“, порача Ривс.