Тајфунот „Делфин“ денеска ќе го погоди источниот брег на Кина, со налети на ветер до 162 километри на час, додека повеќе од 500 бродови се повлечени од шангајското пристаниште Јангшан поради невремето.
Тајфунот „Делфин“ се очекува да го погоди источниот брег на Кина во текот на попладневните часови. Поради најавените силни дождови и ветрови, од шангајското пристаниште Јангшан било наредено повеќе од 500 бродови да се вратат во пристаништето, соопштија кинеските власти.
Во пресрет на тајфунот, кинеските власти ги преместиле на безбедно работниците кои работат на крајбрежјето и ги засилиле контролите на акумулациите, планинските потоци, подрачјата подложни на свлечишта, градилиштата и туристичките локации, пренесува „Ројтерс“.
Се очекува тајфунот да го погоди брегот во вечерните часови, со постојани ветрови до 162 километри на час, пред да ослабне и да продолжи кон внатрешноста на земјата, соопшти кинескиот Национален метеоролошки центар.
Тајфунот „Делфин“ веќе помина низ јапонската префектура Окинава, каде што во неговите налети биле повредени шест лица, а повеќе од 50.000 корисници останале без електрична енергија.
