Ветер и сонце: Дневни температури до 20 степени

Управа за хидрометеоролошки работи информира дека времето денеска ќе биде сончево со мала до умерена облачност, проследено со умерен, а долж Повардарието повремено и засилен ветер од северен правец.

— реклама —

Минималната температура ќе се движи од -2 до 7 степени, додека максималната ќе достигне од 12 до 20 степени.

— реклама —

Во Скопје се очекува слично време – сончево со мала до умерена облачност и слаб до умерен северен ветер. Утринската температура ќе се спушти до 3 степени, а дневната ќе достигне до 18 степени.

— реклама —

Во наредните денови следува период на променливо облачно време со сончеви периоди. Во сабота, особено во источните делови, ќе има услови за слаб локален дожд.

УХМР предупредува дека до недела утринските температури на повеќе места ќе се спуштаат под нула степени, при што се очекува појава на утрински мразеви. До петок ќе дува северен ветер, а од сабота попладне ветерот ќе го смени правецот во југоисточен.