(Видео) 12 загинати во тешката несреќа во Бугарија: Прогласена вонредна состојба во три општини, сведоци раскажуваат за ужасните сцени

Дванаесет лица загинаа, а 48 се повредени во две тешки верижни сообраќајни несреќи што утрово се случија на автопатот „Тракија“ во Бугарија. Во судирите учествувале повеќе возила, а главна причина за тешките услови на патот била густата магла, поради која видливоста на одделни делници била само еден до два метра.

Несреќите се случиле околу 7 часот, во близина на клучката „Зимница“, на 290-тиот километар од автопатот. Поради сериозноста на ситуацијата и големата материјална штета, делумна вонредна состојба е прогласена во општините Стралџа, Тунџа и Јамбол. Одлуката стапила во сила денеска во 7:30 часот, по наредба на регионалниот гувернер на Јамбол, Георги Чалаков.

— реклама —

Сведоци на несреќата опишуваат драматични сцени и целосен хаос на местото на судирите. Еден од нив раскажал дека бил во второто возило и дека несреќата ја забележале во последен момент, додека автомобилите што се движеле зад нив предизвикале дополнителни судири.

— реклама —

„Ова е кошмар“, изјавил друг сведок, посочувајќи дека поради слабата видливост возачите речиси и не можеле да ги забележат возилата пред себе.

Особено драматично било во автобусот полн со патници кои патувале на одмор. Една од патничките раскажала дека луѓето биле натрупани едни врз други при ударот, а по излегувањето се оддалечиле од автобусот од страв дека може да избувне пожар.

— реклама —

Во двете несреќи учествувала и цистерна, но засега нема истекување на опасни материи, информираше заменик-министерот за внатрешни работи на Бугарија, Калојан Калојанов. Според него, на коловозот нема расфрлани опасни супстанции.

— реклама —

Снимките направени со дрон ги покажуваат големите размери на несреќите и бројните уништени возила на автопатот.

View this post on Instagram