Адвокатката Ивана Коцевска во „Претрес со Ландов“ изјави дека Дејан Јованов-Деко не можел да знае дека работи спротивно на законите ако претходно од институциите добивал дозволи и лиценци за работа.
Таа рече дека секој угостител доставува документи што институциите ги бараат, а потоа добива дозволи за работа.
„Јас сакам да отворам угостителски објект. Ги прибавувам сите потребни документи коишто ќе ми ги побара институцијата. Ако добијам дозвола, како очекувате јас да знам дека нешто правам спротивно на законот?“, изјави Коцевска.
