(Видео) Ајкула забележана близу брегот кај Атина

Туристи и локални жители во приморското место Аспри Спити, недалеку од Атина, останале во шок откако во плиткото море забележале ајкула.

— реклама —

Инцидентот се случил сред бел ден, додека плажата била полна со капачи. Според очевидци, ајкулата пливала на само неколку метри од луѓето во водата, што предизвикало паника и неверување меѓу присутните.

Иако била многу блиску до брегот, ајкулата наводно не покажувала агресивно однесување и по кратко време се оддалечила кон подлабоките води.

— реклама —

Според грчките медиуми, станува збор за млада сина ајкула, вид кој е распространет во Средоземното Море, но ретко се приближува толку блиску до брегот.

— реклама —

Експертите посочуваат дека ајкулите понекогаш доаѓаат поблиску до копното во потрага по храна, особено во потоплите месеци, но нагласуваат дека нападите во овој дел од Медитеранот се исклучително ретки.

— реклама —