(Видео) Американци убија тројца индиски морнари во напад на танкер во близина на Ормускиот теснец

Тројца индиски морнари загинаа по американскиот напад врз танкерот „М/Т Сетебело“ во близина на брегот на Оман, потврди индискиот министер за поморство Сарбананда Соновал.

Индиските власти соопштија дека тројцата членови на екипажот, кои првично се водеа како исчезнати, се пронајдени мртви, додека останатите 21 лице од екипажот биле спасени.

— реклама —

Во првичната објава на социјалните мрежи, која подоцна беше избришана, Соновал изразил длабоко жалење за трагедијата.

„Длабоко ме потресе веста за трагичниот инцидент на танкерот „М/Т Сетебело“, кој плови под знамето на Палау. За жал, за тројцата индиски морнари, кои првично се водеа како исчезнати, сега е потврдена смртта откако беа извлечени две тела. Ова е огромна загуба за нашето поморско семејство“, навел министерот.

— реклама —

Тој додал дека индиската влада ќе обезбеди целосна поддршка за семејствата на загинатите, како и итна репатријација на спасените членови на екипажот и транспорт на посмртните останки.

— реклама —

Нападот се случил вчера, кога, според официјалното соопштение на американската војска, американски воен авион употребил „прецизно наведувана муниција“ и директно ја погодил машинската сала на танкерот „М/Т Сетебело“, кој плови под знамето на Палау.

Американските сили тврдат дека танкерот, кој превезувал иранска нафта, се обидувал да ја пробие американската поморска блокада на иранските пристаништа. Според Централната команда на САД (ЦЕНТКОМ), пред нападот било издадено официјално предупредување до екипажот на бродот.

Инцидентот претставува уште една опасна ескалација на тензиите во регионот, каде што во последните месеци се бележат сè почести напади врз трговски бродови во водите околу Иран и Оман.