(Видео) Американска војска: Запленивме брод во Арапското Море

Американски маринци од 31-та поморска експедициска единица во Арапското Море привремено го запленија, а потоа го ослободија бродот M/В Блу Стар III, поради сомневање дека плови кон Иран.

— реклама —

Инцидентот се случува во рамките на американската блокада на иранските пристаништа, соопшти Централната команда на САД (CENTCOM) на платформата Икс.

— реклама —

„Американските сили го ослободија бродот по претрес и потврда дека неговото патување не вклучува впловување во иранско пристаниште“, соопшти CENTCOM.

— реклама —

Оттаму додаваат дека досега, заради спроведување на блокадата, биле пренасочени 39 брода.

Началникот на Здружениот штаб, генерал Ден Кејн, минатата недела изјави на прес-конференција во Пентагон дека САД заплениле најмалку три брода кои и натаму се наоѓаат под американска контрола.

Станува збор за пловилата M/В Туска, M/T Тифани и M/T Маџестик Икс.