(Видео) Американската морнарица: „УСС Нимиц и ударната група влегоа во Карипското Море“

Најстариот суперносач на американската морнарица, USS Nimitz, моментално дејствува во Карипското Море, потврди Јужната команда на САД (SOUTHCOM).

Станува збор за прв американски носач на авиони во Карибите откако USS Gerald R. Ford во февруари беше испратен на Блискиот Исток.

— реклама —

„Добредојде на Карибите, ударна групо Нимиц“, објави SOUTHCOM на социјалната мрежа Икс, наведувајќи дека носачот, заедно со придружните бродови USS Gridley и USNS Patuxent, претставува симбол на американската воена подготвеност и глобален дострел.

Пристигнувањето на „Нимиц“ во регионот се совпадна со одлуката на американското Министерство за правда да подигне обвинение против поранешниот кубански лидер, Раул Кастро, и други кубански функционери поради соборувањето на два американски цивилни авиони во 1996 година.

— реклама —

Американскиот претседател Доналд Трамп изјави дека администрацијата внимателно ја следи ситуацијата со Куба, која веќе со години е под американска блокада.

— реклама —

Иако претходно се шпекулираше дека во Карибите би можел да биде испратен и носачот USS Abraham Lincoln, американските медиуми наведуваат дека логистичките причини го прават тоа малку веројатно.

„Нимиц“ моментално учествува во операцијата „Јужни мориња 2026“, во рамки на која спроведува заеднички вежби со сојузнички и партнерски флоти од Латинска Америка.

Носачот треба официјално да биде повлечен од употреба во март 2027 година, по повеќе од 51 година активна служба, со што веќе го надмина рекордот на USS Enterprise како најдолговечен носач на авиони во историјата на американската морнарица.