Американски воздушни напади насочени кон Венецуела предизвикаа значителна штета на инфраструктурата и уништување на возила во воздушната база Ла Карлота, во близина на главниот град Каракас. Нападите ги изведоа американските сили во рамки на воена операција, потврди американскиот претседател Доналд Трамп.
Преку својата социјална мрежа Truth Social, Трамп соопшти дека станува збор за напад „од големи размери“, тврдејќи дека претседателот на Венецуела, Николас Мадуро, и неговата сопруга се заробени и со авион депортирани од земјата. Официјален Каракас засега не ги потврди овие наводи.
Претходно, владата на Венецуела ги обвини Соединетите Американски Држави за напади врз цивилни и воени објекти во повеќе сојузни држави и прогласи национална вонредна состојба.
Нападите доаѓаат по повеќемесечен притисок од САД врз Мадуро, кого Вашингтон го обвинува за вмешаност во трговија со дрога. Венецуелскиот лидер ги негираше обвинувањата и во повеќе наврати изрази подготвеност за разговори.
Потпретседателката на Венецуела, Делси Родригез, изјави дека властите не знаат каде се наоѓа Мадуро и побара од претседателот Трамп „доказ дека претседателот Мадуро е жив“. Ситуацијата во земјата останува неизвесна, а меѓународната заедница внимателно ги следи случувањата.
Видео материјал од: index. hr
