Лионел Меси наводно ја завршил репрезентативната кариера по поразот на Аргентина од Шпанија во финалето на Светското првенство, објави аргентинскиот новинар Ернан Кастиљо.
Според неговите информации, капитенот на „гаучосите“ веднаш по натпреварот одржал емотивен говор во соблекувалната, при што на соиграчите им соопштил дека тоа бил неговиот последен настап во дресот на аргентинската репрезентација.
„Тој говор остана во рамките на соблекувалната. Вчерашниот беше уште поемотивен бидејќи зборуваше и за тоа дека тоа му е последен натпревар. Разликата е што вториот говор се случи во ходникот. Како и на претходните натпревари, таму не кажа ништо посебно или толку значајно“, изјавил Кастиљо.
Сепак, ниту Фудбалскиот сојуз на Аргентина ниту самиот Меси засега не ја потврдиле оваа информација.
Меси и на ова Светско првенство беше еден од најдобрите играчи на Аргентина. Турнирот го заврши со осум постигнати голови и четири асистенции, водејќи ја својата селекција до финалето.
Во борбата за титулата, Аргентина беше поразена од Шпанија со 1:0 по продолженија. Единствениот гол на натпреварот го постигна Феран Торес во 106. минута.
Доколку информациите се покажат точни, финалето против Шпанија ќе остане запаметено како последниот репрезентативен настап на еден од најголемите фудбалери во историјата.
