Нова фотографија направена со телескоп во Чиле покажа дека два дена по судирот со леталото DART, астероидот Диморфос оставил трага долга 10.000 километри, пренесе BBC.
Претходно познатите вселенските телескопи Hubble и James Webb го снимија моментот кога леталото на НАСА се заби во астероид со брзина од 22.531 км/час. Станува збор за прв обид на менување на правецот на движење на потенцијална закана за Земјата.
Астероидите на кои НАСА го врши тестирањето не претставуваат опасност за нашата планета и тоа ги прави совршени за оваа намена.
Новата слика покажува дека астероидот оставил трага долга илјадници километри. Фотографијата е направена два дена по ударот од страна на телескопот Southern Astrophysical Research Telescope (Soar) во Чиле. Се очекува трагата да биде уште подолга додека не се распадне и изгледа како останатата вселенска прашина што лебди во воздухот. Сепак, внимателно ќе се следи и во наредните недели и месеци.
Мисијата DART вреди 325 милиони долари.
