(Видео) Авион се урна на автопат во Израел, две лица повредени

Мал авион денеска се урна во близина на градот Кафр Кара, југоисточно од Хаифа, по што избувнал пожар. Во несреќата се повредени две лица.

— реклама —

Екипи на Итната медицинска помош „Маген Давид Адом“ пренеле 34-годишен маж во Медицинскиот центар „Рамбам“. Тој се здобил со изгореници и повреди со средна тежина.

Првично било соопштено дека уште едно лице е заробено на местото на несреќата и дека трае неговото извлекување. Подоцна од „Маген Давид Адом“ информирале дека дополнителни екипи го згрижуваат второто повредено лице на самото место.

— реклама —

— реклама —

Полициски екипи се упатиле кон местото на несреќата, а сообраќајот на автопатот 65 бил прекинат. Возачите биле повикани да го избегнуваат подрачјето.

Според првичните информации, авионот се урнал на отворен простор, по што се запалил. Израелскиот јавен сервис Кан објави дека најверојатно станува збор за авион што се користи за прскање земјоделски површини.