(Видео) Автомобил излетал од патот и удрил три деца во Германија, едно дете загина, а друго е во критична состојба

Во германскиот град Динслакен се случила тешка сообраќајна несреќа во која загинало едно дете, додека друго се наоѓа во критична состојба, откако автомобил налетал врз нив во близина на училиште.

Жена на возраст од 47 години изгубила контрола над возилото, излетала од коловозот и удрила тројца дванаесетгодишници кои се движеле со велосипеди, најверојатно на пат кон училиште.

— реклама —

Од силината на ударот две деца се здобиле со повреди опасни по живот, а едното починало кратко по приемот во болница. Третото дете поминало со полесни телесни повреди.

Според официјалните информации од полицијата, несреќата се случила рано утрото, околу 7:45 часот. Откако удрила во децата, жената со автомобилот влетала меѓу паркирани возила и оштетила уште три автомобили.

— реклама —

И возачката се здобила со тешки повреди и со возило на Итната помош била пренесена во болница.

— реклама —

Полициски портпарол изјавил дека сослушувањето на осомничената сè уште не било можно поради нејзината здравствена состојба, па точната причина за губењето контрола над возилото засега останува непозната.

Првата пријава за несреќата ја испратил сообраќаен полицаец кој во тој момент регулирал сообраќај на блиската раскрсница.

На местото на несреќата останале расфрлани делови од уништениот автомобил, оштетен велосипед, детски чевел, училишни ранци и тетратки.

Динслакен се наоѓа во западниот дел на Германија, во покраината Северна Рајна-Вестфалија, а во негова близина се градовите Дуизбург, Дизелдорф и Дортмунд.