На Инстаграм профилот од Бојан Јовановски познат како Боки 13, изминативе денови се нижат објави. Откако администраторот најави дека Боки 13 се враќа, следуваше објава посветена на лажните пријателства. А последната во низата, која најверојатно Боки 13 преку правниот тим побарал да се објави како „инстаграм приказна“ е проследена со една од најубавите балади на Ѓорѓе Балашевиќ.
Црно бела фотографијата од него, во судница на Кривичниот суд проследена со стихови од „Ne lomite mi bagrenje“ беше уште една порака до јавноста.
„Verujem, cenjena glavo da si i učio pravo, da svakom sudiš pošteno, jer čast je čast a vlast je vlast“, беше издвоениот стих на српски јазик во објавата на Боки 13.
Во емисија посветена на легендарниот југословенски пејач, беше раскажано и која е пораката на оваа песна. Тогаш, Вук Жугиќ директор на „Сава центар“ кажа дека порака која Балашевиќ ја испратил е да не се унишува животот, никому и никаде.
Боки 13 во изминатиот период, често преку правниот тим, освен објави на неговиот профил на „Инстаграм“ испраќа и писма до јавноста.
