(Видео) Бројот на жртви во Запорожје расте, Зеленски: Ова е благодарноста на Путин за дизелот

Најмалку 12 лица, меѓу кои три деца, загинале во руски напад со наведувани бомби врз украинскиот град Запорожје, а уште 14 се повредени, соопшти украинскиот претседател Володимир Зеленски.

— реклама —

Според него, Русија фрлила пет наведувани бомби врз станбени згради во раните утрински часови. Меѓу повредените, две лица се во тешка состојба, а лекарите се борат за нивниот живот. Се проверуваат и информациите за уште 12 лица кои можеби се наоѓале на погоденото место.

— реклама —

— реклама —

Спасувачките екипи и другите надлежни служби се на терен, а операциите продолжуваат. Зеленски соопшти дека во текот на ноќта биле нападнати 13 украински региони, при што биле оштетени станбени објекти, инфраструктура и железнички линии.

— реклама —

Украинскиот претседател оцени дека намалувањето на притисокот врз Русија се толкува како сигнал дека може да продолжи со нападите врз украинските градови. Тој порача дека Москва мора да ги почувствува последиците од своите постапки и најави одговор на руските напади.